Pagina:Curti - La giornada del lócch.djvu/30

La giornada del lócch

21

Passa brum¹, passa carrozz, passa tram,
Passa gent a montón² che va, che cór;
La tósa la caragna³. — Te gh’e fam?
La ghe domanda óna donnetta. E on sciór:
— T’hann faa queicoss de mâl? parla, o salam!
— El m’ha daa sulla faccia! Che dolor!
— Ma chî, tosètta, chî? — Quèll lóccasc⁴ lì!
E lu, giò a rîd, schisciandet l’oeucc⁵ a ti.


Nissûn, però, se moeuv, de tutt la folla
Che ghe stà intorno a quella poera tósa;
Ma el pivèl, tornaa indree’ l ghe dis: — E molla,
— Che ne croda⁶ tant d’alter, o schifósa!
E el fà el gèst de móllagh on slavadent,⁷
Intant che riva lì dell’altra gent.

1. Brum - Carrozza chiusa pubblica.
2. A montón - A mucchi.
3. La caragna - Piange.
4. Lòccasc - Pegg. di lócch.
5. Schisciandet l’oeucc - Ammiccando.
6. Che ne croda - Che calano altre busse.
7. Móllagh on slavadent - Tirarle un altro schiaffo.