Pagina:Curti - La giornada del lócch.djvu/24

La giornada del lócch

15

E voeunna, e dò partîd, e poeu la bèlla;¹
E giò biccêr e tazz de Barlettón! —
Vósen insemma: giugadór del lèlla² —
Imbesuii!³ — Va, giuga sui bastión!
El Päol el dà foera col Biscèlla;
Ti te vóset col Gèppa, chè in del bón
De cusà ’l cusa no! — Vosa anca quij
Foeura del gioeug: el Schisc⁴ e el Vècc di strij!⁵


Càscia el nâs⁶ finna i donn, in la partida;
La bionda del Guerción, róssa ’m’è on pom
La vósa: — Degh on taj!⁷ Dio che stuffida!
Finilla, vej! sta fabbrica del dom!⁸
E vósen anca i àlter: la Maghèlla,⁹
La Nèbbia, la Nasîn e la Pivèlla!¹⁰

1. La bèlla - La partita decisiva.
2. Giugadór del lèlla - Giuocatore di nessun conto.
3. Imbesuii - Tonto, mezzo incretinito.
4. Schisc - Camuso.
5. El vècc di strij - Il vecchio delle streghe (nomignolo).
6. Cascia el nâs - Ficca il naso.
7. Degh on taj! - Finitela!
8. La fabbrica del dom! - per lungaggine.
9. Maghèlla - Donna che reca segni di scrofole intorno a collo.
10. Pivèlla - Ragazza che prende atteggiamenti da giovane.