Pagina:Curti - La giornada del lócch.djvu/23

14 Antonio Curti



E senza che i compagn risponden, ti
Te fet, mesciand on mazz de cart sul taol:
Cià on bèll trisètt! Chi l’è che stà cont mi?
Nissun? Ben, ti Biscèlla stà col Paol,
Che mi staróo cól Geppa! Stèmm inscì?
Gèppa ricordet de cusà1. — Ma diavól!...
Ocio a quij lì, ë guarda i sègn che fóo!
Se te fet di s’ceppâd2 te rómpi el cóo!


E pesta pugn sul taol, e tacca lît
Cont tucc (on taccà lît per rid, prudent);
Bestèmm, paroll d’inferno a tutt’i invît;
Stupid.... pilatt....3 s’ceppón del sachforment!...
Finii la man, come cornis del quàder,
Ve regalee, senza pensagh, del làder!

  1. Cusà - Dichiarare le carte, accusare.
  2. S’ceppâd - Errori madornali.
  3. Pilatt - Peggio di “buono a nulla„.