Pagina:Curti - La giornada del lócch.djvu/22

La giornada del lócch

13

Faa quatter sâlt, sbraggiand¹ óna canzon
Sporca, te imbrocchet² subit la gargott³
Doe gh’è’l to mónd: ’na vera confusion
De mas’c e de tosann: on quarantott!⁴
Òmen che rîd, parland de la presón;
Pivèj che fann la scoeula di cazzott;
Donn che parlen de grass,⁵ e fann sentì
Tutt a on bagaj,⁶ che rîd senza capì


Condii el mangià cont di bonn tazz de vîn
Negher e spèss; on brutt vinasc pesant
Che e digerill ghe vour on stomeghîn
Delicaa come quèll d’on elefant;
Spuvaa⁷ tre o quatter volt; casciaa bestèmm
Vers el soffitt, te sbràgget⁸: — Vej? ’se femm?⁹

1. Sbraggiand - Urlando.
2. Te imbrocchet - Infili.
3. Gargott - dal francese gargote: taverna.
4. On quarantott - e, cioè, come la rivoluzione (del 1848).
5. Parlen de grass - parlano di cose oscene.
6. Bagai - Ragazzino.
7. Spuvaa - Sputato.
8. Te sbràgget - Tu urli.
9. Se fèmm? - Che facciamo?