Pagina:Curti - La giornada del lócch.djvu/21

12

Antonio Curti

Faa do contrâd, sbuttónaa¹ tre personn,
Che, bên intês, s’hinn n’anca voltaa indree;
Ditt su tre o quatter spegasciâd² ai donn,
Te móllet³ dritt filaa in del cervelee⁴
A toeu de colezión; e per imponn
Te det foeura a vósà com’è on strascee:⁵
— Cià on tocch de tempia e quatter peverón!
— On moment! — Che moment di me minción!


Servii come se dev, brancaa el scartoss,⁶
Te ciappet⁷ l’uss, fingênd de bestèmà;
E al cervelee ch’el barbotta queicoss,
— Paghi domân! Se’l gha de s’ganassà?⁸
Ei ch’el me guarda in faccia, neh, bell’om!
Quist, se ghe piâs, hinn facc de galantom!

1. Sbuttónaa - Urtate.
2. Spegasciâd - Motti assai liberi.
3. Mollet - Corri.
4. Cervelee - Salumiere.
5. Strascee - Come grida il cenciaiuolo per le strade.
6. Brancaa el scartoss - Preso bruscamente l’involtino
7. Ciappet l’uss - Infili l’uscio.
8. Sganassà - Il chiacchierare.