 |
Questa pagina è stata trascritta, formattata e riletta. | |
LETTERA
DI
SUA SANTITÀ IL PAPA PIO IX
AL CONTE
ROSELLY DE LORGUES
PIUS P. P. IX.
Dilecte Fili, salulem et Apostolicam benedictionem. In tuis ad nos litteris Kalendis Novembris proximi datis, novum invenimus tui jampridem cogniti et probati pro sanctissima religione studii testimonium cum singularis erga Nos Sanctamque hanc Petri Sedem devotionis et observantiæ sensibus conjunctum. Quare nihil potius te habere significas quam ut historiæ luce adhibita stupenda et maxime insignia beneficia ab Religione ipsa in remotissimas novi orbis plagas derivata ostendas atque propugnes. Ejus sane generis est argumentum, de quo scribere, ut ais, mox tibi proposuisti. Cum in lucem publicam illa prodierint documenta, quæ partem novi orbis a Christophoro Colombo primum detectam spectant, apparebit
