 |
Questa pagina è ancora da trascrivere o è incompleta. | |
| xliv | Testimonianze. |
Jovis progenies novem sorores.
Fortunata domus, domus beata
Audisti toties meae Columnae
Illa carmina, quae movere mentes,
Quae vim sistere fluminum solebant.
Tibi Cynthia silva saepe, saepe
Invidit tibi Cyrrha, & antra Pindi,
Et fontes Heliconii recessus.
Jactat Creta Jovem, suam Dianam
Delos inclyta, tu tua Columna
Gloriare domus beata, pace
Et Jovis liceat loqui, & Dianae,
Non Delo minor es, minorve Creta.
Idem ad Hieronymum Turrianum de Morte Victoriae Columnae in iisdem Carminibus pag.87.
Cur desiderio modum, & dolori
Me vis ponere Turriane? acerbo
Cui Victoria fato adempta, quae me
Non minus quam oculos suos amabat,
Qua nihil veniens ab ultimo Indo
Clarius, meliusve Sol videbat,
Cui mens candida, candidique mores,
Virtus vivida, comitasque sancta,
Caeleste ingenium, eruditioque
Rara, nectare dulciora verba,
Summa nobilitas, decora vultus
Majestas, opulenta, sed bonorum
Et res, & domus usque aperta ad usus.
Illa carminibus suis poetas,
Quotquot saecula multa protulerunt,
Longe vicerat, illa vincit omnes,
Sive flebilibus modis maritum
Extinctum decorans sepulcro ab imo
Summa ducit in astra, sive Regi
Caelitum, unigenaeve Regis hymnos
Filio canit, illa vel canendo
Ventos sistere, fluminum morari
Impetus, poteratque leniores
Tigres reddere mitibus columbis. &c.
