 |
Questa pagina è stata trascritta e formattata, ma deve essere riletta. | |
Sonetti
EL CASIN DI ANDEGHEE.
(inedito).
Prima che mi per sozi te propona
L’è giust che te descriva el nost casin,
Dò stanz mobiliaa a la carlona
Che spuzzen de ves’cios, de nisciorin:
On gabinett capazz d’ona persona,
On bigliard, on camer, on camin,
On vecc d’on camerer ch’el par Simona,
Ona scala orba, ona lobbia, on cortin.
Quatter gatt che no spetten i settant’ann,
Tutt professor d’ombretta e de tarocch,
Che fan sproposit a chi po pu fann,
Che se roseghen, che se dan del gnocch,
E fan on ruzz, on baccan del malann
De dessedà, squas squas, Elia, Enocch.
Ma quell che hoo ditt l’è poch.
