Pagina:Carletti - Poesie friulane.djvu/29


15


Sujâds i plats, si butà un scial di lane
su lis spalis: no stève scuàsi in pîds.
Batèvin òris; alte, auàl, lontane,

sunave in chel la çampane des dîs.



"Duàr, duàr vìssare mé, fâs la nanute,
che vèn sùbit la mame cul tetìn:
il passarìn j’ à dit che la só frute

’ûl véle. Vè ch’al çhale al fignestrìn,
sint ch’al tiche sui véris! Su, da brave,
no vajì, no vajì, mio bièl voglìn,

speranze mé!" Il cur antìg da l’ave
al jère strac di bati e di patì,
ma la bambine no si cujetave.