 |
Questa pagina è stata trascritta, formattata e riletta. | |
| 4 |
Ma pur, lung vie dal tròi, che a çopedóns
o a trus duçh fâs còme che ur vèn il drèt,
a traviàrs cuéstis e plans e fondóns,
pur, di lung vie, çisiche un rìul cujèt:
jèntre e si spand tai prâds, al còr dapîds
des çharandis floridis, al çimìe
sòl l’ombrenùl dal bòsc... Polsìn, amîs,
cà, dònge il rìul, polsìn da la fadìe
di vivi! che i umórs stràcs e ingarbîds
nus rinfrèsçhi une vène di poesìe!
