 |
Questa pagina è stata trascritta e formattata, ma deve essere riletta. | |
| 116 |
Oh il bòn sgobà ògni dì sènze trai flâd; oh il bòn
dàj’ sòt a la polènte, la sère, e polsà in rie
daùr dal fogolàr, sènze il sgrìf de passiòn
in tal cur; oh il durmì fìs e sclèt di fadìe!
Mi par, chèste matine, di séi libar e franc,
e un frègul mi consòli.... Epur ’o sai, ’o sai:
usgnòt, a l'òre che tu mi spiètis, il sang
mi darà un tuf, e istès di simpri... ’o tornarài.
