 |
Questa pagina è ancora da trascrivere o è incompleta. | |
51
Kun kesta paroles dedikeja Mistral si liber imortel “Mirèio” a n amik. “Te sporc n paur”. De vester n paur, fova per Mistral si maſhra fertuna, kuntentëza i superbia.
- Uſepantone Comploj.
Adio Gherdëina.
O bela val, mi bel' Gherdëina!
Sta bën, adio, a s'udëi!
Adio, alegra gioventù.
Vo bon kumpani, mi plaſhëi.
Adio monc i vo valedes!
Adio prei i vo stredes!
Mi kar paeſh, kin sun te
Surëdl i luna da,
L ruf per val ke va,
Mi kuer for t'amerà.
Kanke unive inò da te
Nshi aflit i amalà
Sufrì tlo i sufrì ilò,
Kun gran amor tu m'es levà
Mi gran dulëur bën for i for,
O bela val, mi bon dutor.
Mi kar paeſh, l mont t'amira
Dal tëmp del bel dinstà,
Kl ciel sarëin s'a fa;
Da duc ies tu amà.
Via da te, mi bel' Gherdëina
Me mëina nkuei da nuef la sort;
Da te, Saslonk i mon' de Sela,
Da voſh gran bel k' n'ie mo mort.
O sëis vo doi mi protetores
D'mi cësa, d'mi genitores,
Mi kar paeſh, kin sun te
Surëdl i luna da
L ruf per val ke va,
Mi kuer for t'amerà.
- Leo Runggaldier
