 |
Questa pagina è ancora da trascrivere o è incompleta. | |
43
III
Muesse durmì suvënz ala lèrgia,
Per 'l plù drët stanc y plën de fam,
Zitràn da frëit y mèl furnì
Ëss-i pu al manco 'm pue' de pan!
'L vöster puer'
Fès̄ mèl al cuer.
IV
Per la limòs̄ina, cësa per cësa,
Muess-i prië bölau me temàn;
Ve-l dis̄e, segúr, 'l ie burt y crudöl
A ḡi per la vita zitràn y bradlàn
Cie è-i-pa fa,
Puer' desfurtenà?
V
Š' Idie me lašës-pa pu murì,
Pò ëssa segúr mi dulëur na fin,
Pò n' ëss-i plu drë' de messëi patì
Y deventësse cuntënt de fin.
Che la devënte 'nši
Prô-i ugni dí.
La stolza.
I
Na muta ḡëuna, te stua
Sta-la pra peníč da ziplè,
Plëina de riedá y de mueja,
Dut mata dò 'l maridè.
II
Al prim ch' ie ruà a mutáns
Ti à-la dat 'n cestón,
'L fòva true' massa pitl,
'Nšuma massa pue' bon.
III
'L segondo pò ch' ie unì
N' à-la ulú drë' giut;
A 'n giatè z̄ën 'n terzo
Se dur-ela böl del dut.
IV
Recòrde-te, bur mus muele,
Še t' ues te maridè,
Ne dausses vöster stolza:
Te muesses te cuntentè!
V
Še 'l fossa 'nce pitl y stlöt,
Muesses 'mpò mè 'l tò,
Nia dagnëura 'n mieur
En giates magari dò prò.
T.P.
