Ah, sgienti, che disgrazia l'è mai chesta,
Morosà chi tent tempo con curé
Ch'ho l'avarevi sgià tœuj s'ess vu i danè,
E mò ch'ha trovo vœun cha ma jo impresta,
Cha poss falla cercà fena domèn
Pientam on por in di mèn,
L'oltreri fam bella ciera
E in jeri baronam da sta manera.
Ma coss'ho mai da fa,
Se men sto chilò a Busti ho da crepà,
Andà a Varzì, o Casall
Al vœur paré che sia in Criminall,
Sicché, a vigninn a vœuna
Poss'andè a Roma en men cercà fortœuna.
Sì sì vu'andà a informamm
Da chì che vignì a cà
In che manera l'ho da pratigà,
E dienzan che tra tuggì n'abbian vanzà
On chai strasc d'on bordon e d'on collà
Parchè'l sarav pù ben
Che vaga via vistì da pilligren,
Che a dilla, chi sta ben ar témpo da mò
Hin chì, chì fa da locco
E n'én mìa da vargogna a fa'r pitocco
Se par sortì n'hin bon
Da casciass con di Ioggi a far frizzon,
Chì m'avarav mai dì
Ch'ess da vegnì a sto stato,
Che, par no ventà matto
E morì da disgusti
Hess da bandonà Busti
On paesi inscì bon
Che cont i sò dané
Conscian gròss i rognon
Parfena i forasté.
Maladetta ambizion.
Cha s'hin cascià in dor cò
Tugg i donn e i tosann ar temp da mò,
S'donn per cascià pompa
Tren in malora i cà,
O chi fen di ol cossì chi stà pu ma,
E i tosan per catà on chai fa da pù,
Chi sian lori na sa ragordan pù.
Basta cha gha capita
Ona chai landanera inzipriava
