Pagina:Basile - Lu cunto de li cunti, Vol.I.djvu/482

268

lo cunto de li cunti

nata, dessutele, mantrone, fatica, fatica!, miettete a l’arte, tròvate patrone!» Lo negrecato compare, sentennose fare sta parlata fore de li diente, sta sbottata de postemma, sta cardata senza pettenarulo; tutto friddo e jelato, comme a mariuolo trovato nfragante, comme a pellegrino, ch’ha sperduto la strata, comme a marinaro, rotta la varca, comme a pottana, ch’a perduto l’accunte, comme a peccerella, ch’ave allordato lo lietto, co la lengua nfra li diente, la capo vascia, la varva mpizzata mpietto¹, l’uocchie a pisciarielle, lo naso peruto² li diente jelate, lo mano vacante, lo core assottigliato, la coda fra le coscie, cuoto cuoto³, zitto e mutto, se ne pigliaje le zaravottole⁴, senza votarese mai capo dereto, venennole a sieste chella norata settenza:

                    Cane no mitato a nozze
                    Non ce vaa, ca coglie zotte⁵.

---

1. Fitta nel petto.
2. Muffito.
3. Mogio mogio, chiotto chiotto.
4. Nelle MN., I: «Piglie le zaravattole» — Spulezzò.
5. Scudisciate.