|
jornata ii. trattenimiento x. |
263 |
dato lo sole lione, ca na vota, ncapo de ciento anne, ne’è toccato de menare le masche, de dare lo portante a le ganasse, e de mettere sotta lo naso, senza tanto frusciamiento de tafanario; perzò, la corte me vo sfare, io sfare me voglio! Da sto munno de merda, tanto n’hai, quanto scippe co li diente1! Priesto, allumma lo fuoco, che mo, che avimmo mazza franca2 da farece na bona pettenata, nce volimmo sgoliare3 de quarche cosa de gusto, e de quarche muorzo gliutto!» Cossì decenno, corze ad accattare na bona anguilla de pantano, no ruotolo de farina ashiorata4, e no buono fiasco de mangiaguerra5. E, tornato a la casa, mentre la mogliere, tutta affacennata, fece na bella pizza, isso frejette l’anguilla. Ed, essenno ogne cosa all’ordene, se sedettero a tavola; ma non foro accossì priesto sedute, che veccote lo pascone de lo compare a tozzolare la porta. Ed, affacciatose Masella, e visto lo sconcecajuoco de li contiente loro, disse a lo marito: «Cola Jacovo mio, mai s’appe ruotuolo de carne a la chianca de li guste umane, che non ce fosse la jonta dell’uosso de lo dispiacere6; mai se dormette a lenzola janche de sfazione, senza quarche cemmece de travaglio; maje se fece colata de gusto, se non ce mattesse chioppeta de mala sfazione! Eccote nzoccato st’amaro muorzo, eccote annozzato ncanna sto magnare cacato!» A la quale Cola Jacovo respose: «Stipa ste cose, che stanno ntavola, squagliale, sporchiale, ncaforchiale, che non parano, e, po, apre la porta, ca, trovanno sacchejato lo casale, fuorze averrà descrezzione de partirese priesto, e nce darrà luoco da strafocarence co sto poco de tuosseco!» Masella, mentre lo compare sonava ad arme, e scampaniava a grolia,
- ↑ Ne strappi coi denti.
- ↑ V. n. 95, p. 15.
- ↑ cavar la voglia.
- ↑ Fior di farina.
- ↑ V. n. 76, p. 132.
- ↑ Metaf. tolte dal comprar carne dal macellaio.
