 |
Questa pagina è stata trascritta, formattata e riletta. | |
| 242 | lo cunto de li cunti |
mio, non convene lo farete venire a lo palazzo mio a pede e vestuta de sta manera. Perzò, aspetta a sta taverna, ca torno subeto co cavalle, carrozze, gente e vestite, ed autre fruscole1.». Cossì, restanno Filadoro, isso s’abbiaje a la vota de la cetate. E, tornanno fra sto miezo l’orca da fore, nè responnenno Filadoro a le solete chiammate, trasuta nsospetto, corze a lo vosco. E, fatto no gran pertecone, l’appojaje a la fenestra, ed, arrampinatose comm’a gatta, sagliette a la casa. La quale cercato tutta drinto e fore, ncoppa ed abbascio2, nè trovato nesciuno, s’addonaje de lo pertuso, e, visto che jova a sboccare a la chiazza, non se lassaje zervola sana, jastemmanno la figlia e lo prencepe, e preganno lo cielo, che lo primmo vaso, che recevesse lo nammorato sujo, se scordasse d’essa. Ma lassammo la vecchia dire paternuostre sarvateche3, e tornammo a lo prencepe; che, arrivato a lo palazzo, dove se teneva pe muorto, mese a remmore la casa tutta, corrennole ncontra, e decennole: «A la bon’ora!, singhe lo buono arrivato! Eccolo a sarvamiento! Comme ce pare bello a sti paise!», e mille autre parole d’ammore. Ma, sagliuto ad àuto, e scontratolo a meza scala la mamma, l’abbracciaje e basaje, decennole: «Figlio mio, giojello mio, popella dell’uocchie mieje, e dove sì stato, comm’aje tardato tanto pe farece tutte stennerire4?» Lo prencepe non sapeva che se responnere, perchè averria contato le desgrazie soje, ma non tanto priesto co le lavra de papagne l’appe vasato la mamma, che, pe la jastemma dell’orca, le scette de
- ↑ Coserelle
- ↑ Su e giù.
- ↑ Paternostri selvatici, cioè: imprecazioni e maledizioni.
- ↑ Palpitare
tetto Cocceio. Nel medio evo, era tra le opere, che la leggenda attribuiva a Virgilio. Fu allargata e restaurata da Alfonso d’Aragona e poi da D. Pietro di Toledo. Cfr., tra gli altri, E. Cocchia, La Tomba di Virgilio (in Arch. Stor. Nap., XIII, 631 sgg.).
