|
jornata ii. trattenemiento iv. |
203 |
celle1, e me so corcato senza cannela2; co tutto chesto, voglio puro a la morte mia lassareve quarche signo d’ammore. Perzò, tu, Oraziello, che sì lo primmogeneto mio, pigliate chillo crivo3, che stace appiso a lo muro, co lo quale te puoi guadagnare lo pane; e tu, che si lo cacanitolo4, pigliate la gatta, ed allecordateve de lo tata vuostro!» Cossì decenno, scappaje a chiagnere, e, poco dapò, decette: «A dio, ca è notte!» Oraziello, fatto atterrare pe lemosina lo patre, pigliatose lo crivo, jette cernenno5 da ccà e da llà, pe abboscare la vita; tanto che, quanto chiù cerneva, chiù guadagnava. E Pippo, pigliata la gatta, disse: «Ora vide, che negra redetà m’ha lassata patremo!, che n’aggio da campare pe mene, e mo averraggio da fare le spese a dui! Che se n’ha visto de sto scuro lasseto? Che meglio se ne fosse stato6!» Ma la gatta, che sentette sto taluerno, le disse: «Tu te lamiente de lo sopierchio, ed hai chiù sciorto, che sinno! Ma non canusce la sciorte toja, ca io so bona a farete ricco, si me nce metto!» Pippo, che sentette sta cosa, rengraziaje la gattaria soja; e, facennole tre quatto allesciate sopra la schena, se le raccommannaje caudamente. Tanto che la gatta, compassio-
- ↑ Sbadigli, e crocelle; perchè lo sbadiglio «si accompagna con un gesto di aprir la bocca e farvi la croce sopra». La ragione di ciò era nella credenza che gli spiriti maligni potessero cogliere quel momento per entrare nel corpo umano; onde s’impediva il passo con una croce (cfr. MN. e Pitrè, o. c., XVII, 40). Il Tassoni (Secchia rapita, IV, 48): «Cerca di qua, cerca di là, nè trova Cosa da farvi il minimo disegno, Sbadiglian tutti e fan crocette a prova, E l’appetito lor cresce lo sdegno». Nel Dunlop-Liebrecht (o. c., p. 515): «È anche costume in Irlanda: cfr. Taylor, p. 119».
- ↑ «Andare a letto senza candela: questa frase è spesso adoperata dal N., come segno di gran povertà» (Liebr., Anm., I, 405-6).
- ↑ Vaglio.
- ↑ Casalingo.
- ↑ (EO) correnno.
- ↑ Ne avesse fatto di meno.
