Pagina:Basile - Lu cunto de li cunti, Vol.I.djvu/370

156

lo cunto de li cunti

Fab. Retratto spiccecato
          De sti sgarratallune!
          O comm’è naturale!
          E di ca non ne truove
          Chiù d’uno, affè!, de chisse,
          Che co la lengua smaglia,
          E non vale pe cane de na quaglia¹!
Jac. N’adolatore mo te lauda, e sbauza
          Pe fi ncoppa lo chirchio de la luna;
          Te vace sempre a bierzo,
          Te dà pasto e calomma².
          Te dà viento a la vela,
          Né mai te contradice;
          Si si n’uorco n’Esuopo³,
          Dice ca sì Narciso;
          E, s’aje nfacce no sfriso⁴,
          Jura, ch’è nieo, e na pentata cosa;
          Si tu si no potrone.
          Afferma, ca si n’Ercole Sansone;
          Si de streppegna vile,
          Attesta, ch’è jenimma de no conte.
          Nsomma, sempre t’alliscia e te moseja ⁵;
          Ma vi non te legasse a le parole
          De sti parabolane cannarune⁶!
          E bi non nce facisse fonnamiento!
          No le credere zubba,
          Ne le stimare nibba⁷,
          Non te fare abbiare,
          Ma fanne sperienzia a sta coppella;

---

1. Int.: de cane pe no quaglio. Trasposizione scherzosa. V. n. 8, p, 48.
2. Metaf. tratta dal linguaggio marinaresco; calomare, lasciar scorrer liberamente la gomena o altro cavo.
3. Esopo, del quale è proverbiale la bruttezza.
4. Sfregio.
5. Lecca.
6. Ghiottoni.
7. Niente.