Pagina:Basile - Lu cunto de li cunti, Vol.I.djvu/353

jornata i. la coppella.

139

         Accossì priesto, dì, te fece mammeta? —
         Vide buono st’ordegna?
Fab. Io lo veo, ch’è roagno,
         Adove se porifica l’argiento.
Jac. Tu nge aje dato a lo pizzo;
         L’aje nnevenato a primmo!
Fab. Commoglia, che non passa quarche tammaro¹
         E fossemo portate a no mantrullo!
Jac. Comme si caca sotta!
         Tremma securo, ca non è de chelle,
         Dove se fa la pasta,
         Co tanta marcancegne,
         Che tre decinco² resceno tre legne³!
Fab. Ma, dimme: a che l’aduopre?
Jac. Pe affinare le cose de sto munno,
         E canoscere l’aglio da la fico!
Fab. Aje pigliato gran lino a pettenare!
         Tu nvecchiaraje ben priesto,
         Ben priesto tu farraje li pile janche!
Jac. Vì ca nce’ è ommo nterra,
         Che pagarria na visola e na mola⁴,
         Ad avere no nciegno, comm’a chisto,
         Ch’a primma prova cacciarria la macchia
         De quanto ha ncuorpo ogn’ommo.
         De quanto vale ogn’arte, ogne fortuna,
         Perchè cca drinto vide
         S’è cocozza vacante, o si nce’ è sale,
         Se la cosa è sofisteca o riale.
Fab. Comm’a dicere, mo?
Jac. Siente fi mponta,

---

1. sbirro. V. n. 33, p. 83.
2. Tre cinquine, ciascuna delle quali era pari a due grana e mezzo.
3. cioè, che con esse si riesca a fare una forca.
4. Un occhio e un dente molare.