Pagina:Basile - Lu cunto de li cunti, Vol.I.djvu/350

136 lo cunto de li cunti

buono piezzo, all’utemo, tirato pe naso, fece comm’a chillo: «lega l’aseno dove vo lo patrone!» E, fattola sedere a no scanniello, commenzaje a fare la chianca de chillo nigro scuorzo1, che chiovellecava e piscioliava tutta sango; e, da tanto ntanto, sauda, comme se radesse, deceva: «Uh chi bella vo parere, pena vo patere!» Ma, chillo, continovanno a mannarela a mitto, ed essa, secotianno sto mutto, se ne jezero contrapuntianno lo colascione de chillo cuorpo fi a la rosa de lo vellicolo2; dove, essennole mancato co lo sangue la forza, sparaje da sotta no tiro de partenza, provanno co riseco sujo lo vierzo de Sanazaro:

La nmidia, figlio mio, se stessa smafara3!



  1. Corteccia; pelle dura.
  2. Umbilico.
  3. Trad. napoletana del v.: «L’invidia, figliuol mio, se stessa macera» (Sann., Arcadia, Egl. VI, v. 13).