![]() |
Questa pagina è stata trascritta, formattata e riletta. | ![]() |
LA CERVA FATATA
Tratteniemento nono de la Jornata primma.
Stettero canna aperta a sentire lo bellissemo cunto de Paola, e concrusero tutte, ca l’umele è comme la palla, che, quanto chiù se sbatte nterra, chiù sauta, e comme a lo caperrone, che, quanto chiù se tira arreto, chiù forte tozza. Ma, fatto signo Tadeo a Ciommetella che secotasse la robrica, cossì mettette la lengua nvota.
È granne senza dubbio la forza de l’amecizia, e ce fa tenere le fatiche e li pericole1 sotto coscia pe servizio de l’ammico: la robba se stimma na pagliosca, lo nore na cufece, la vita na zubba2, dove se pozza spennere pe jovare l’ammico, comme ne sbombano3 le favole, ne so chiene le storie, ed io, oje, ve ne darraggio no nziempro, che me soleva contare vava Semmonella (ch’aggia recola!), si, pe dareme no poco d’audienzia, chiuderrite la vocca ed allongarrite l’aurecchie.
- ↑ (EO) gli pericole.
- ↑ Pagliosca, cufece, zubba, tre espressioni per dire: niente.
- ↑ (ES) Sbrommano.
15 |