Pagina:Basile - Lu cunto de li cunti, Vol.I.djvu/292

78

lo cunto de li cunti

perciato¹, monstrannole tant’affezione, che non s’abbasta a dicere. Ma, essennose nzorato² de frisco lo patre e pigliata na focoliata, marvasa e miciata de lo diantane³, commenzaje sta mardetta femmena ad avere nsavuorrio la figliastra, facennole cere brosche, facce storte, nocchie gronnuse, de farela sorrejere. Tanto che la scura peccerella se gualiava sempre co la majestra de li male trattamiente, che le faceva la matreja, decennole: «Oh Dio, e non potisse essere tu la mammarella mia, che me fai tanta vruoccole e cassesie?» E tanto secotaje a fare sta cantelena, che, puostole no vespone a l’aurecchie, cecata da mazzamauriello⁴, le disse na vota: «Se tu vuoi fare a muodo de sta capo pazza, io te sarraggio mamma, e tu me sarrai cara comm’a le visciole⁵ de st’uocchie». Voleva secotiare a dicere, quanno Zezolla, (che cossì la figliola aveva nomme), disse: «Perdoname si te spezzo parola nmocca; io saccio ca me vuoi bene; perzò, zitto e zuffecit⁶: nmezzame l’arte, ca vengo da fore; tu scrive, io firmo.» «Ora susso, — leprecaje la majestra — , siente buono, apre l’aurecchie, e te venera lo pane janco comm’a li shiure. Comme esce patreto, di’ a matrèjata ca vuoi no vestito de chille viecchie, che stanno drinto lo cascione granne de lo retretto⁷, pe sparagnare⁸ chisto, che puorte ncuollo. Essa, che te vo vedere tutta pezze e peruoglie, aprerà

---

1. Il punto n’ajevro è menzionato da V. Braca, nella farsa A Maesta (Opere cavaiole, Ms. Bibl. Naz., segn. IX, F. 47, f. 7). Afreco perciato, pieghetta, orlo. Il Del Tufo, ove discorre dell’arte del cucire delle donne napoletane: «Sapran forse elle sole Fare il ponto Spagnuolo? O il cairello o ’l travato, L’Afreco tondo, il piano quel perciato?.» E «le catenelle insiem colle spighette» (ms. c., II 71-3).
2. Ammogliato.
3. sobbillata dal diavolo.
4. O scazzamauriello, come sopra; v. n. 106, p. 31.
5. Viscere degli occhi, pupille.
6. Latin.: sufficit.
7. Stanzetta. Cfr. I, 7.
8. Risparmiare.