|
jornata i. trattenemiento ii. |
43 |
Ma, tornato lo prencepe da la caccia, tiraje lo capo de seta e sonaje lo campaniello; ma sona, ca piglie quaglie1, sona, ca passa lo piscopo2, poteva sonare a martiello, ca la fata faceva de la storduta. Pe la quale cosa, juto de ponta3 a la cammara, e non avenno fremma de chiammaro lo cammariero e cercare la chiave, date cauze a la mascatura, spaparanza la porta, trase dintro, apere la fenestra, e vedenno la testa sfronnata, commenzaje a fare no trivolo vattuto4, gridanno, strillanno, vocetejanno: ««O maro mene, o scuro mene, o negregato mene!; e chi m’ha fatto sta varva de stoppa? e chi m’ha fatto sto triunfo de coppa5? o roinato, o terrafinato6, o sconquassato prencepe! o mortella mia sfronnata, o fata mia perduta, o vita mia negrecata7, o guste mieje, jute nfummo, piaciri miei, jute a l’acito! Che farrai, Cola Marchione sventurato? che farrai nfelice? sauta sto fuosso; auzate da sto nietto!; Si scaduto da ogni bene, e no te scanne? si alleggeruto da ogne tresoro, e non te svennigne? si scacato da la vita, e non te dai vota? Dove si, dove sì, mortella mia?, e quale arma chiù de pipierno tosta m’ha roinato sta bella testa? O caccia mardetta, che m’aje cacciato da ogne contento!; ohimè, io so speduto, so fuso, so juto a mitto8, aggio scompute li juorne!; no è possibele che campa pe spremmiento a sta vita senza la vita mia! Forza è ch’io stenna le piede, pocca senza lo bene mio me sarrà lo suonno trivolo, lo magnare tuosseco, lo piacere stitico, la vita pònteca9!» Chesse ed autre parole, da scommovere le
- ↑ Allude ai richiami dei cacciatori.
- ↑ Vescovo.
- ↑ Difilato.
- ↑ Pianto, che si fa sui cadaveri, con certe cadenze e battute; costume antico e diffuso. Cfr. Mormile, note ai Sonetti di N. Capasso (Nap., 1876, p. 31).
- ↑ Allusione a un giuoco.
- ↑ Mandato in rovina.
- ↑ Sventurata.
- ↑ Son morto.
- ↑ Aspra, acerba.
