e, scervecchiannone1 sto bello voccone, restaje ammisso2 dalla liberalità de na femmena, essenno de natura tanto scarzogne3, che no le vastarriano tutte le verghe, che veneno dall’Innia. Ma, passanno autretante juorne, Zoza aprette la nocella, da la quale scette fora na pipata, che filava oro, cosa veramente da strasecolare; che non cossì priesto fu posta a la medesima fenestra, che la schiava, datoce de naso, chiammaje Tadeo, decennole: Si pipata no accattare, mi punia a ventre dare, e Giorgetiello mazzoccare! E Tadeo, che se faceva votare comm’argatella4 e tirare pe lo naso da la soperbia de la mogliere, dalla quale s’aveva fatto accavallare, non avenno core de mannare pe la pipata a Zoza, nce voze ire de perzona, arrecordannose de lo mutto: «non c’è meglio misso, che te stisso»; «chi vole vaga, e chi non vole manna», e «chi pesce vole rodere, la coda se vo nfonnere». E, pregatole grannemente a perdonare la mpertenenzia soja a li sfiole5 de na prena, Zoza che se ne jeva nsecoloro co la causa de li travaglie suoje, facette forza a se stessa de lassarese strapregare pe trattenere la voca, e gaudere chiù tiempo de la vista de lo signore sujo, furto de na brutta schiava. All’utemo, dannole la pipata, comm’avea fatto dell’autre cose, primma che nce la conzignasse, pregaje chella cretella6 c’avesse puosto ncore a la schiava de sentire cunte. Tadeo, che se vedde la pipata nmano, e senza sborzare uno de ciento vinte a carrino7, restanno ammisso de tanta cortesia, l’offerse lo stato e la vita ncagno de tante piacire, e, tornato a lo palazzo, dette la pipata a la mogliere; che non cossì priesto se la mese nzino pe joquaresenne, che parze
- ↑ Strappando.
- ↑ Interdetto.
- ↑ Avaro.
- ↑ Arcolaio.
- ↑ Voglie, desiderii.
- ↑ Bamboccio.
- ↑ Cioè di un carlino; ch’era composto di 1o grani, e ciascun grano di 12 calli o cavalli; dunque, 120 calli.
