 |
Questa pagina è stata trascritta e formattata, ma deve essere riletta. | |
| documenti | 79 |
mercatorum et quarumcumque aliarum personarum, vel alicuius earum ipsius civitatis, comitatus vel districtus Senarum, seu homicidium vel quelibet alia offensio personalis vel realis fieret in persona alicuius mercatoris vel alterius cuiuscumque persone de civitate, comitatu vel districtu Senarum, in ipsa civitate, comitatù vel districtu Florentie per aliquem vel aliquos de ipsa civitate, comitatu vel districtu Florentie vel aliam quamcumque personam, procedatur et procedi debeat per rectores et offitiales Comunis Florentie. Ac etiam ipsi rectores et offitiales Comunis Florentie teneantur et debeant contra tales delinquentes, vel dampnum inferentes, ac etiam eos et quemlibet eorum, totiens quotiens contrafactum fuerit, punire et condempnare eo modo et forma et illis penis quibus procederetur et punirentur si predicta vel aliquid predictorum conmissa vel perpetrata fuissent in persona vel bonis alicuius vel aliquorum de civitate, comitatu vel districtu Florentie. Et quo ad predicta vel aliquid predictorum intelligantur liabere et habeant illa privilegia, auxilia et favores contra predictos delinquentes et ipsorum bona ac quascumque alias personas, collegia vel universitates, que occasione predictorum tenerentur, et que et quos habent cives, comitatini vel districtuales civitatis Florentie per statuta vel ordinamenta dicti Comunis Florentie. Et si in aliquo casuum predictorum pena maior veniret imponenda in Comuni Senarum, similis maior pena imponatur in Comuni Florentie.
Item, quod quilibet de civitate, comitatu vel districtu Florentie, dum tamen non pro maleficio exbanuitus vel condempnatus Comunis Senarum, possit et ei liceat libere et secure venire, stare et permanere per se et cum eius familia, mercantiis, rebus et bonis ipsius ad ipsam civitatem Senarum, et terram et portum prefatum, ipsiusque civitatis Senarum comitatum, fortiam et districtum in ipsaque civitate, terra, portu, comitatu ac fortia, districtu, in eisque et quolibet eorum mercantias et senserias et quaslibet alias artes facere et exercere, ac hospitum tenere et habere, tam pro ipsius magistris et consotiis, ac aliis quibuscumque de civitate, comitatu et districtu Florentie. ac etiam pro aliis quibuscumque personis extraneis, quorum factor vel negotiorum gestor existeret, vel quorum facta et negotia mercis causa faceret. Et quod pro predictis vel aliquo predictorum non possint cogi, gravari vel aliqualiter molestari ad aliquod onus vel aliquod gravamen, tam reale quam personale vel mistura supportandum. Hoc acto et intellecto, quod per predicta vel aliquid predictorum, nullum privilegium conferatur hospitatoribus publicis, seu cum signo hospitia tenentibus, seu qui in futurum tenerent in ipsa civitate, comitatu
