 |
Questa pagina è stata trascritta e formattata, ma deve essere riletta. | |
| 76 | i porti della maremma senese |
tur, seu per terram ad ipsum portum conducerentur pro navigatione ipsarum mercantiarum, rerum et honorum, quedam domus, seu fundacus, qua sit longa, ampia, fortis et bene cooperta, cum ianua seu ianuis, serraminibus et aliis necessariis vel opportunis pro eadem; et in ea mensura que conveniens erit pro receptatione ipsarum mercantiarum et rerum dictorum mercatorum civitatis, comitatus et districtus Florentie et aliarum quarumcumque personarum advehendarum ad portum prefatum, et exportandarum de portu prefato, ut ibi secure valeant permanere. Et interim, donec dicta domus seu fundacus fuerit perfectus vel completus, ita quod comode et cum securitate dicte mercantie et res possint reponi, salvari et custodiri; quod in ecclesia dicte terre dicte mercantie et res debeant reponi, salvari et custodiri; et dictum Comune Senarum teneatur suis expensis ipsam ecclesiam, in hiis que fuetrint opportuna, aptari facere pro salvatione et securitate ipsarum mercantiarum et rerum.
Item quod ad recipiendum ipsas mercantias, res et bona, et in dicta domo seu fundaco et ecclesia reponendas, ipsasque restituendas deponentibus vel recommendantibus, eligatur et eligi debeat per Comune Senarum seu eius offitiales unus fundacharius, utique vir legalis et bonus, qui fundacarius sic electus teneatur et debeat ac etiam compelli possit dictas mercantias, res et bona recipere a dictis florentinis vel aliis, pro eis imictere vel consignare seu ponere volentibus in ipsa domo seu fundaco seu ecclesia, ipsasque in quodam libro per eum tenendo et habendo in receptione ipsarum diligenter et partite scribere, ac libere et sine aliqua contraditione immictentibus vel aliis pro eis, seu eorum procuratori vel factori, promictere inde extrahi ad eorum liberam voluntatem, et in restitutione cuiuslibet ipsarum iuxta scripturam recentionis scribere restitutionem prefatam; ipsasque mercantias, res et bona sic receptas, usquequo eas restituerit, diligenter salvare et custodire tam ab hominibus quam personis, ne in eis vel aliqua earum incendium, furtum vel aliud dampnum inferatur, et ne a pluviali aqua dapnificentur vel per alium sinistrum casum ledantur. Qui fundacarius pro eius labore et remuneratione possit ac valent percipere et habere, ipsique mercatores et aliequevis persone dictas mercantias, res et bona sic deponentes seu accomandantes, solvere teneantur et debeant pro eius salario et mercede pro qualibet balla seu media salma ad mulum denarios tres f. p. et pro quolibet torsello seu salma ad mulum denarios sex f. p.
Item, quod per Comune Senarum seu eius offitiales baliam habentes, eligatur et eligi debeat quidam offitialis, expensis Comunis Senarum, pro eo tempore et cum eo salario et cum ea familia
