 |
Questa pagina è stata trascritta e formattata, ma deve essere riletta. | |
DOCUMENTI
I.
1311, agosto 17.
Trattato fra i Comuni di Firenze e di Siena per l'uso
del porto di Talamone.
In nomine Domini, amen. Infrascripta est concordia Comunis Florentie et Comunis Senarum super reducendo mercantias Florentinorum per civitatem Senarum et eius districtum, et per portum et castrum Tholomonis Comunis senensis; que inferius est descripta et scripta per me lunctam Adote notarium, scribam Mercantie civitatis Senarum, sub anno Domini mcccxi, indictione nona, de mense augusti.
Dominis Consulibus Mercatorum civitatis Senarum et prudentibus viris quos ad infrascripta habere voluerunt super facto ambasciatarum delatarum Florentie per ambasciatores Communis senensis ad Consules Mercatorum Calismale et Artis Lane, et ambassiate delate Senis per sapientem virum Balduccium Pegolotti civem florentinum, arabasciatorem Communis Florentie, super deducendo mercantias Florentinorum ad portum Tholomonis ed ad castrum Tholomonis, et per civitatem et districtum senensem; visis et auditis dictis ambassiatis, et super toto tractatu et negotio supradictis habita deliberatione solenni, videtur et placet eis, quando placeat dominis Novem gubernatoribus et defensoribus Comunis et populi civitatis Senarum, et ipsi Comuni senensi, quod per dictum Comune senense concedatur licentia civibus et districtualibus florentinis non exbannitis vel condempnatis Comuni senensi pro malefitio vel quasi, eundi et redeundi a districtu Florentie citra per civitatem et districtum senensem ad castrum et terram Tholomonis Comunis senensis, cum salmis et sine salmis, et cum eorum mercibus, mercantiis et rebus, et etiam per mare veniendi cum lingnis navigalibus, merces, mercantias et eorum res deferentibus,
