Pagina:Archivio della R. Società Romana di Storia Patria - Vol. XVI.djvu/234

230 F. Nitti

pro iurium Ecclesie observatione novam illius regni investituram denegare possumus seu dispensationem, ut iamdictum regnum una cum imperio tenere valeat, ac predicte electionis confirmationem, necnon coronam imperialem. Que quidem provide considerantes, et quod ex dictis denegationibus possent nobis ac Sedi apostolice et Ecclesie Romane multa incommoda et pericula imminere, et cum vires nostre et Ecclesie non sint tales ut possint tanto regi volenti nocere nobis, Sedi apostolice et Ecclesie Romane resistere, fuit inter nos tractatum, quod nos Franciscus rex Christianissimus, primogenitus ac obedientissimus Ecclesie filius, pro defensione Smi D. N. pape, Sedis apostolice ac iurium Ecclesie, progenitorum nostrorum mores imitando, totis viribus nostris (ut latius in alia capitulatione continetur), pecunia, regno dominiisque nostris ac personaliter, quando opus flierit et a Smo D. N. requisiti fuerimus, terra marique et omnibus viis, modis et formis iuvare tueri defendere ac manutenere tenebimur omnem statum, quem idem Smus D. N. in presentia possidet aut in futurum possidebit, nec non honorem, dignitatem, preeminentiam et auctoritatem Sanctitatis Sue, Sancte Sedis apostolice ac Sancte Romane Ecclesie, necnon excelsam Florentinorum et Senensium rempublicam et eorum presentem statum; et nos Leo predictus e converso pollicemur ac promittimus totis viribus nostris iuxta alias, obligationes ac etiam armis spiritualibus tam in Italia quam extra Italiam adsistere et defendere dictum Christianissimum regem. Et insuper nos predicti summus pontifex et rex Christianissimus pollicemur ac promittimus reciproce, quod alter nostrum sine expresso consensu alterius non poterit directe vel indirecte, quovis quesito colore, tractare aut concludere aliquam confederationem, unionem, ligam, capitulationem, conventionem seu aliam intelligenti am, quocumque nomine censeatur, cum serenissimo Carolo Hispaniarum rege Chatholico; et nos predictus summus pontifex promittimus ac pollicemur dicto Christianissimo regi quod dictam investituram, dispensationem electionis, confirmationem et coronationem dicto reg: Catholico nullatenus concedemus sine ipsius regis Christianissimi expresso consensu, et hoc ut simul et concorditer cum eo fiant omnia et ut facilius possint deduci ad maiorem securitatem et quietem rerum non solum utriusque partis sed etiam totius reipublice christiane. Preterea uterque nostrum promittit ac pollicetur cum omnibus iamdictis viribus suis conservare honorem dignitatem, preeminentiam et auctoritatem alterius partis. Ulterius promittimus et reciproce nos obligamus adsistere alter alteri, referendo singula singulis, prout ad quemlibet nostrum pertinebit seu spectabit, sine aliqua dilatione, exceptione aut excusatione, volenti castigare, punire et corrigere sub-