Pagina:Archivio della R. Società Romana di Storia Patria - Vol. XVI.djvu/223


Documenti circa la politica di Leone X 219

Cum sit quod serenissimus Carolus Hispaniarum rex Catholicus per suas licteras commiserit nobili viro domino Aloysio Caroza apud Sum D. N. Leonem divina providentia papam X et Sedem apostolicam ipsius Caroli regis oratori, ut ab eodem Smo D. N. peteret ut Sanctitas Sua dìgnetur sibi concedere licentiam ut possit tractare et procurare cum sacri imperii electorìbus, ut eum in imperatorem eligere possent non obstante quod habeat regnum Neapolitanum in feudum a dicta Sancta Sede cum conditione expressa, quod ipse per se vel alium seu alios nunquam quocumque modo procuret eligi vel nominari in regem Romanorum vel dominum Lombardie vel Tuscie, et si eum eligi vel nominari contingeret nullum huiusmodi nominanationi vel electioni assensum prestaret aut se intromitteret ullo modo in regimine ipsius imperii sub pena privationis dicti feudi; et cum rex ipse Carolus tempore investiture dicti feudi post obitum dare memorie Ferdinandi regis et avi sui fidelitatis iuramentum per magnificum et nobilem virum dominum Hieronimum Vich tunc oratorem suum in manibus eiusdem Smi D. N. prestiterit conditionem ipsam et alia in licteris dicte investiture contenta sub certis tunc expressis etiam periurii penis observare, Aloysius orator prefatus volens eiusdem regis mandata exequi a Sua Sanctitate humiliter petiit, ut Sanctitas Sua dignaretur eidem regi licentiam concedere ut posset per se vel alium seu alios cum eisdem electoribus imperii tractare et procurare et eos inducere ut eum in imperatorem eligant, et si forsan hactenus per se vel alium seu alios cum eisdem electoribus procurasset ut eum eligerent in imperatorem, Sanctitas Sua declarare velit, eumdem Carolum regem penam aliquam in licteris investiture regni huiusmodi contentis presertim periurii penam minime incurrisse ac iuramentum per eum prestitum huiusmodi ad effectum premissum relaxare. Sanctitas Sua sperans quod prefata maiestas in fidei sinceritate, obedientia et devotione erga Sanctitatem Suam et Sanctam Romanam Ecclesiam eo constantior erit, quo Sanctitatem Suam et Sedem apostolicam magis sibi munifìcam, et liberalem reperiet et inveniet, et postquam Maiestas Sua in imperatorem electa seu nominata fuerit pro Sanctitate Sua et Sede apostolica multa ac magna officia faciet, paterna caritate petitionibus ipsius regis per prefatum Aloysium oratorem sibi porrectis libenter annuit, cum infrascriptis capitulis pactis et conditionibus eidem regi iuramentum predictum et ad dictum effectum1, videlicet ut cum dictis electoribus per se vel alium seu alios tractare possit ut eum in imperatorem seu regem Romanorum eligant seu nominent, ipseque rex

  1. Suppl. relaxavit