Pagina:Antonio Picozzi - Il Vangelo di S. Matteo volgarizzato in dialetto milanese.djvu/76

62

S. MATTEE.

ha rott, e ghi ha daa ai sœu scolar, e lor ghe n'han daa a la gent.

³⁷ E tucc han mangiaa, e s’hin soddisfaa. E di tocch de pan vanzaa, n’han regojuu sett scorb pienn.

³⁸ Quij pœu, che ha mangiaa eren quatter milla personn, senza cuntà i fiœu e i donn.

³⁹ E dopo vè lassaa in libertaa la gent, l’è andaa dent in d’ona barca: e’l s’è portaa di part de Magedan.

Capp XVI.

E

GHE s’è vesinnaa per tentall i Farisee, e i Saducee: e l’han pregaa de fagh vedè on quai miracol.

² Ma lu el gh’ ha rispost, e ’l gh’ha ditt: Vialter a la sira disii: Farà bell temp, perchè gh’è el ciel rosa.

³ E a la mattinna: Incœu farà temporal, perchè el ciel l’è scur e ross.

⁴ Vialter donca conossii el ciel a prima vista: e savii minga i segn del temp? Razza de gent cattiva e adultera, che cerca on segnal: e nissun alter segnal ghe sarà faa, che quell de Giona profetta. E lassandi in libertaa, l’è andaa via.

⁵ Intanta i sœu scolar in del traversà el lagh, s’eren desmentegaa de tœù su del pan.