 |
Questa pagina è stata trascritta e formattata, ma deve essere riletta. | |
| CAPP XIV. | 57 |
27 Gesù el gh’ ha parlaa subet, disendegh: Fev spirit: sont mì, abbiee minga pagura.
28 Peder el gh’ha rispost: Signor, se te see tì, comandem de vegnitt incontra su l’acqua.
29 E lu el gha ditt: Ven. E Peder vegnend fœura de la barca, el passeggiava su l’acqua per anda arent a Gesù
30 Ma vedend, ch’el vent l’era fort, el s’è stremii: e cominciand a andà sott acqua, l’ha vosaa disend: Signor, juttem.
31 E Gesù sporgendegh subet la man, l’ha ciappaa: e’l gh’ha ditt: Omm de poca fed, perchè t'hee dubitaa?
32 E dopo ch’hin staa in barca, el vent el s’è quiettaa.
33 Ma quij, che gh’era in barca, ghe s’hin vesinaa, e l’adoraven, disend: Tì te see propi fiœu del Signor.
34 E traversand el lagh, hin andaa in la terra de Genesar.
35 E appenna che la gent de quell sit l’han conossuu, han mandaa attorna per tutt el paes, e gh’ han presentaa tutt i amalaa:
36 E gh’han domandaa. in grazia de lassagh toccà domà on boccon del sò vestii. E tucc quij, che l’han toccaa, hin guarii.
