Pagina:Antonio Picozzi - Il Vangelo di S. Matteo volgarizzato in dialetto milanese.djvu/47

CAPP X.

33

passion: perchè eren mal guidaa, e pareven pegor senza pastor.

³⁷ Allora el gh ’ha ditt ai seu scolar: La robba de regœuj l’è tanta, ma i operari hin pocch.

³⁸ Preghee donca el padron del camp, ch’ el manda di operari.

Capp X.

E

CIAMANDES vesin i sœu dodes scolar, el gh’ha daa padronanza sui spirit malign, per podè casciaj via, e per curà tutt i malattij, e tutt i infermitaa.

² I nomm di dodes apostoj hin quist. El primm l’è Simon cont in nomm Peder, e Andreja sò fradell,

³ Giacom fiœu de Zebedee, e Giovann sò fradell, Filipp, e Bartolomee, Tomas, e Mattee el publican, Giacom de Alfee, e Tadee,

⁴ Simon Cananee, e Giuda Scariott, che l’è quell, che l’ha tradii.

⁵ Gesù l’ha mandaa attorna sti dodes, comandan degh, e disendegh: Ve mes’ciarii minga cont i gentij, e andarii minga dent in la cittaa di Samaritan.

⁶ Mа andee putost in mezz ai pegor perduu de la cà d’Israell.