 |
Questa pagina è stata trascritta e formattata, ma deve essere riletta. | |
| 20 | S. MATTEE. |
20 Ma cerchee de trà insemma di tesor per el ciel: indove la rusgen, e i vermen i consumen minga, e i lader nè i dessotteren, nè i roben.
21 Perchè indove te gh’ hee el tò tesor, te gh’hee el tò cœur.
22 La lumm del corp l’è el tò œucc. S' el tò œucc el sarà sempliz: tutt el tò corp el sarà trasparent.
23 Ma se el tò œucc el sarà guast: tutt el tò corp el sarà nebbiaa. Se pœu la lus, che te gh’ hee in tì, la deventa scura: cossa sarà el scur?
24 Nissun pò servì duu padron: perchè o l’odiarà vun, e ’l ghe vorarà ben a l’alter: o el ghe vorarà ben al primm, e ’l despresiarà el segond. Podii minga servi in l’istess temp el Signor, e i danee.
25 Per quest ve disi: Cascev minga né de quell, che avii de drovà per viv, nè de quell, che avii de drovà per quattav el corp. La vitta la var minga pussee de la robba de mangià: e ’l corp pussee del vestii?
26 Guardee ai usej de l’aria, che nè somennen, né tajen, nè impienissen i granee: e ’l voster Pader je manten. Vialter sii minga on bell tocch pussee de lor?
27 Ma chi l’è de vialter, che pensandegh podarav trovà el vers de slonga d’on trabucch la soa statura?
28 E perchè ve ciappee fastidi per el vestii? Fee a
