Pagina:Antonio Picozzi - Il Vangelo di S. Matteo volgarizzato in dialetto milanese.djvu/26

S. MATTEE.

gamba, e tocch d’ogni sorta de malann e de dolor; quij, che gh’aveven el diavol adoss, i lunategh, e i paralitegh; e lu j’ha faa guarì.

²⁵ E gh’è trottaa adree ona frotta de gent de la Galilea, de la Decapoli, de Gerusalemm, de la Giudea, e de là del Giordan.

Capp V.

Q

UAND Gesù l’ha vist tutta sta gent, l’è andaa su on mont, e dopo ch ’ el s’è settaa, gh’è andaa vesin i sœu scolar,

² E mettendes a parlà, je trava fœura, disendegh:

³ Com’hin fortunáa i timed: perchè el paradis l’è sò de lor.

⁴ Com’ hin fortunaa i mansuett: perchè quist possedaran la terra.

⁵ Com’ hin fortunaa quij, che piang: perchè quist saran consolaa.

⁶ Com’hin fortunaa quij, che gh’han famm, e set de giustizia: perchè quist en saran soddisfaa.

⁷ Com’hin fortunaa quij, che gh ’han misericordia: perchè en trovaran anca lor.

⁸ Com’hin fortunaa i luster de cœur: perchè lor vedaran el Signor.