 |
Questa pagina è stata trascritta e formattata, ma deve essere riletta. | |
| CAPP I. | 7 |
in scambi de Erod sò pader, el gh’ha avuu paura a andà là: e visaa in sogn, el s’è ritiraa in Galilea.
23 Rivaa là, l’ha loggiaa in d’ona cittaa, che se ciama Nazaret: per fà, che succedess quell, ch’era staa ditt dai profetta: Ch’el sarà ciamaa Nazaren.
Capp III.
N quell temp là è vegnuu Giovann Battista a predicà in del desert de la Giudea,
2 E ’l diseva: Fee penitenza: perchè el paradis ghe l’emm ai spall.
3 Perchè quest chì l’è quell tal omm, che l’ha parlaa Isaia profetta, disend: La vos de quell, che sbragia in del desert: Preparee la strada del Signor: tiree drizz i sœu sentee.
4 E lu l’istess Giovann el gh’aveva ona vesta de pell de camell, e ona zenta de coramm in vitta: e ’l sò mangià eren locust, e mel salvadegh.
5 Allora andava là de lu Gerusalemm, e tutta la Giudea, e tutt el paes intorna al Giordan.
6 E quand gh’aveven confessaa i sou peccaa, je battezzava in del Giordan.
7 Ma siccome lu el vedeva a vegnì a fass battezzà
