 |
Questa pagina è stata trascritta e formattata, ma deve essere riletta. | |
CAPP XXVIII.
12 E quist trandes insemma coi anzian, e fasend complott, gh’han daa ona bella somma ai soldaa,
13 Disendegh: Disarii: I sò scolar hin vegnuu de nott, e intanta che nun dormivem, l’han robaa.
14 E se’l president al vegnarà a savè sta robba, nun el quiettaremm, e ve liberaremm d’ogni seccadura.
15 E lor han ciappaa el danee, e han faa quell, che gh’era staa insegnaa. E sta vos la s’è trada attorna in mezz ai Ebrej, finna al di d’inceu.
16 Ma vundes scolar hin andaa in Galilea al mont, che gh’ha insegnaa Gesù.
17 E quand l’han vist l’han adoraa: ma quajghedun hin restaa in dubbi.
18 Ma Gesù vesinandes el gh ’ha parlaa, disend: A mì m’è staa daa tutta la potenza in ciel e in terra.
19 Andee donca, e istruii fœura tutta la gent: battezzandi a nomm del Pader, del Fiœu, e del Spiritusant:
20 Insegnègh a fà tutt quell, che mi v’hoo comandaa: e mi saront cont vialter tutt i dì, finna a la consumazion di secoj.
