 |
Questa pagina è stata trascritta e formattata, ma deve essere riletta. | |
CAPP XXVIII.
capp di sazerdott, e i Farisee s’hin trovaa là insemma in cà de Pilatt,
63 E gh’han ditt: Ei lu ,n’è vegnuu in ment, che quell rivoluzionari quand l’era anmò viv, l’ha ditt: Dopo trii dì risuscitaroo.
64 Ch’ el daga donca orden, che ghe sia faa guardia al sepolcher finna al terz dì: per fà, che i sò scolar no abbien de andà a roball, e abbien pœu de di a la popolazion: L’è resuscitaa: e inscì l’ultimm ingann el sia pesg del primm.
65 Pilatt el gh’ ha ditt: Sii padron di guardi, andee, e fee guardia come ve par e pias.
66 E lor hin andaa, e han rinforzaa la guardia al sepolcher, e gh’han miss el sigill a la preja.
Capp XXVIII.
LA nott pœu del sabet, vegnend a la mattinna, Maria Maddelenna, e l’altra Maria hin andaa a vedé el sepolcher.
2 In quella succed on gran terremott. E l’è, che l’angiol del Signor vegnuu del ciel l’è andaa là, e l’ha voltaa coi gamb per aria la preja, e l’era là settaa su:
