 |
Questa pagina è ancora da trascrivere o è incompleta. | |
XI.
M
e pâ che cazze in pê comme ri gatti,Quando veggo Zaniña; e ro mæ grao
Manco no cangerǽ con l’Imperao:
Son ciù ricco e contento che ri matti.
Me sento in corpo fâ mille sciaratti
Ro cœu, comme fa un matto desligao.
Se no son lesto, un dì son vergognao;
Façço per Zena quarche desbaratti.
Gexo! diggo tra mi tutto sospeizo:
Sonnê in cascia, ò pù son fœu de míe?
Aela donna, ò retræto de Pareizo?
Lê chi væ’ che me segno, a se ne rie,
E se parte, e me porta via de peizo,
Seben resto de statua bello líe.
