 |
Questa pagina è stata trascritta e formattata, ma deve essere riletta. | |
XII.
Ma perchè ro parlâ de poco peizo
Che d’un soggetto così grande façço,
Poreiva, añima cara de Pareizo,
Tirâve in quarche lœugo scuro e basso:
Megio è che taxe, che da mi repreizo
Me tegno, per no vei che in un stromaçço
Atri, addœuttǽ che mi de megioî dœutte,
Ro stî, ra penna, e ro papê ghe bœutte.
XIII.
Soramenti dirò, pœu ch’ha vosciúo
Amô fâve de mi libero don,
E che per ónorâve ancon nasciúo,
E per amâve, e per servîve son:
No me voggǽ mostrâ ro cœu sì cruo
Da fâme cazze in terra a rubatton;
Ançi aççettǽ ro mæ servixo in grao,
Che posse fâme in voî tutto beao.
.jpg)
