 |
Questa pagina è ancora da trascrivere o è incompleta. | |
E lampi, e Mâ astriao,
Ro polo e l’oriente,
Ro mezzodì e ponente
E ogni atra cosa bella in terra e in Çê,
Me pâ che l’agge dent’ri œuggi lê.
XVI.
Ma se veggo lê mesma, che me pâ?
Cos’è de mi, quando ra veggo lê?
N’hò ciù che dexirâ,
E d’esse me pâ in Çê:
Sì me sento cangiâ,
E trasformâme in lê;
Onde me tocco a vei, se mi son mi,
Ò pù quarch’atro chi m’aspete lì.
XVII.
Oh versi mê, che hò zà bagnao de cento,
E pœu co ri sospiri v’hò sciugao,
Quanto martello sento,
E se hò ro cœu infrecciao,
Ognun chi ve virà
Da voî l’intenderà.
Però ve n’anderei davanti a quella
Figgia d’ogni atra ciù crudele e bella:
XVIII.
E ghe direi, che, se ben n’hò sperança
D’ottegnî moǽ da lê nisciun favô,
E in pari sœu d’uzança
