 |
Questa pagina è ancora da trascrivere o è incompleta. | |
IX.
Dixan, che han ciù re Corte forestere
In reverença e veneraçion
ZORZO ÇENTURION,
Che no l’ha Zena mæsma, e re Rivere:
Che faççemmo argumento,
Che, se chì dixan un, là dixan çento.
Aora noî, chi s’ódimmo in sciù ra cera
Laodâ cose laodemmo,
Cose int’ro cœu portemmo
Confermâro per cosa tanto vera,
Pensǽ voi, Signor caro,
Se in noî demmo gustâro:
Se tutti quanti a crio de sciabegotti
Demmo fâseve martiri devotti.
X.
Che ciù? cosa diggo aora d’avantaggio
Nœuva a mi, da che tratto ra mariña.
De sciù ra fregattiña
Stava apointo tirando ro resaggio
Ro dì che a questo grao,
Serenissimo Duxe, foissi áçao:
Quando a ro rebombâ che fè ra valle
Dri tiri dre Forteççe,
Dre pubriche allegreççe,
Pe re tañe dri scœuggi da re spalle
