Pagina:Çittara zeneize 1745.djvu/219

Questa pagina è stata trascritta e formattata, ma deve essere riletta.

Lingua Genovese.

Ç

ento poæra de bœu tutti azzovǽ

     No doggeran ra lengua a un Forestê,
     Chi digghe in bon Zeneize, Bertomê,
     Amô, mæ cœu, biao, parolle tǽ.

Questa è particolâ feliçitǽ
     A ri Zeneixi dæta da ro Çê,
     D’avei parolle in bocca con l’amê,
     De proferîre tutte inçuccarǽ.

Ma ri Toschen meschin, chi son marotti,
     E che ro çê dra bocca han bell’amaro,
     Ne han noî per mezelengue e per barbotti.

Vórrǽ che me dixessan, se un Fræ caro,
     Sença stâghe a mescciâ tenti ciarbotti,
     Vâ per çento Fratelli, e sta dro paro.