 |
Questa pagina è ancora da trascrivere o è incompleta. | |
Del Signor Luciano Borzone Pittore.
L
’anno, chi ne pareiva uña trattuga,Veghemmo ch'o camiña così forte,
Che l'è de l’atro mondo in sciù re porte:
Staseira o se ne va zù pe ra bruga.
E deman, senç’avei nisciuña ruga,
Refrescao ri coroî dre masche smorte,
O ven de nœuvo a desfiâ ra morte,
E garçonetto e tenero com’uga.
Ma sæ che l'è, Ballin? stâghe a discorre,
Son tutte rolle, son tutti nescioî:
L’è ben strenze re spalle, e lasciâ corre.
A Ti re tœu cançoin fan tenti ónoî,
Che, se foisse Mâ grosso come torre,
Anno nisciun per Ti no pœu morî.
