 |
Questa pagina è stata trascritta e formattata, ma deve essere riletta. | |
| 167 |
U
N’affetto, che dentro me fa guerra,Così me ten ro cœu assequeirao,
Che me pascio de tœuscego; e biao
Mi, se andasse in doî giorni sotteterra!
Con tutto questo, se ro cantâ n’erra,1
Son da ri vostri versi affoeiturao,
Son de lô invriægo; e no me crao,
Che ghe sæ un paro vostro in Çê ò in terra.
Dîme, che ve ne prego, come fâvo
A fâ Sonetti da ro Çê vegnui?
Quando ri componei, cose pensâvo?
Cavallo, mi a ri vostri neigri sui,
Che son ri inciostri, ra mæ Muza lavo.
Chi no v’ammira, è amigo da stranui.
- ↑ Se dice ancor vera la stadera del mio giudizio.
