 |
Questa pagina è ancora da trascrivere o è incompleta. | |
X.
B
allin, che fæto? onde te perdi túe?Zœumoǽ metti bandera de rescatto.
Ti ê in cattiv’ægue: trœuvate recatto:
Maxiña è d’atri: no ghe stâ ciù sciúe.
Quelle faççoin sì belle e sì çernue,
Onde ti fâvi in ti tanto sciaratto,
Onde ti te spegiavi comm’un matto,
A ro mondo per ti non ghe son ciúe.
Cose a ro longo andâ sarà de ti,
S’aora chì de pensâghe in sciù doî pê
Ti n’hæ ciù tanta cera per trei dì?
Ballin, bœutta a pê caçi ro mestê.
Se ra giustiçia s’ha da fâ così,
Vagghe tutto ro mondo a contraçê.
