 |
Questa pagina è ancora da trascrivere o è incompleta. | |
XV.
O
H ciù luxente assǽ che ra mæ çappa!Ciù lustra e ciù purîa che ro mæ boei,
Lichiña! onde ro Çê no basta a vei
Cosa ciù bella sotta ra sò cappa:
Degna che ogni gran Ræ’ te serve in cappa,
Che vegnan per mirâte ri Imperoei,
Da fâne per grandeçça ri faroei,
Da no scrive carissimo a ro Pappa!
Oh comme a ri tœu œuggi treitorin
Tutto ciaghe ro cœu, tutto feríe
Se sente ro tò povero Perrin!
Perrin Pastô, che per aveite tíe
(Guarda s’o t’amma cose sença fin!)
O lascereiva Regni e Monarchie.
