Orazioni in Ampezzano

Questo testo è incompleto.

AIMARIA
Aimaria, piena de grazia,
el Signor l é con Té,
Te sos benedeta intrà ra femenes,
e l é benedeto l fruto del tò gren, el Signor.
Santa Maria, mare del Signor,
prea par nos e par i nostre pecade
ades e co sarà ora
de ra nostra morte.
E che ra see coscita.

ANJELO DEL SIGNOR
Anjelo del Signor,
che te sos el mè guardian,
inlumina, precura, tien su e goerneme
mé, che son stà donà a Ti
da ra pietà del zielo,
E che ra see coscita.

DE PROFUNDIS
T’ei ciamà da ‘sò in fon, Signor;
Signor, scota ra mè osc.
Che ra tò rees es intende
ra osc de ra mè orazios.
Se Te vardes duta ra colpes, Signor,
Signor, ci aralo speranza?
Parceche el pardon l é con Té,
e de Té nos aron festide.
In Té ei sperà, Signor,
r anima mea r à sperà inze ra sò paroles,
r anima mea r à sperà algo dal Signor.
Pi che ra guardies alolo bonora,
Israele l à da spetà l Signor.
Parceche pede l Signor l é ra misericordia,
e ra sò redenzion r é granda
El el deliberarà Israele
da duta ra sò colpes.
Doni a lore
ra pasc eterna, Signor,
e che luje par lore
ra lun che no se studa.
Che i pousse in pasc.
E che ra see coscita.

GLORIA AL PARE
Gloria al Pare,
al Fiol e al Spirito Santo,
cemodo che l ea fin da dinprin,
ades e senpre
par i secui dei secui,
E che ra see coscita.

PARE NOSC
Pare nosc che te stas su inze l zielo,
che see fato santo l Tò gnon,
che viene l Tò regno,
che see fato chel che te vos Tu
tanto inze l zielo ca su ra tèra.
Dame ancuoi l pan de ogni dì
e abòneme i nostre debite
cemodo che nos i abonon ai nostre debitore.
No stà a me fei zede a ra tentazios,
ma delìbereme dal mal.
E che ra see coscita.

REQUIEM AETERNAM
Doni a lore (el/era)
ra pasc eterna, Signor,
e luje par lore (el/era)
ra lun che no se studa.
Che i (el/ra) pousse in pasc.
E che ra see coscita.