Opere minori 1 (Ariosto)/Poesie latine/Liber secundus/Carmen III
 |
Questo testo è stato riletto e controllato. | |
Ludovico Ariosto - Opere minori (tomo I) (1857)
Carmen III
| ◄ | Liber secundus - Carmen II | Liber secundus - Carmen IV | ► |
III.
DE EULALIA.
Ut bella, ut blanda, ut lepida atque venustula ludit
Eulalia, hispanæ filia Pasiphiles!
Ut bene maternos imitatur parvula mores,
Incedit, spectat, ridet, agit, loquitur!
Omnia ut illa facit tandem: iam fingere novit,
Et sibi de tenero quos amet ungue legit.
O bona sectatrix matris nata! o bona mater,
Tam bene dilectam quæ instituis sobolem!
Ut tibi quandocumque obrepat inertior ætas,
Cum meretrix nequeas vivere, lena queas.