O giuvens chars, amis, campagns
 |
Questo testo è completo, ma ancora da rileggere. | |
| ◄ | Matt'o tü bella matta | Mieu tesori in quaist muond | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
76.
(Annalas XIV, Vital, p. 248 — 50.)
O giuvens chars, amis, campagns
Chi ’vais la libertà;
Tscherchai da far ün bun guadagn
Cur gnis a ’s maridar.
5 Davo l’argent e davo l’or
Non hajat tant’amur.
Tscherchai l’intern e sincer cour,
’Varat bain ed onur.
Cha cur l’intern quel ais sincer,
10 ’Vais ün bel avantag;
Containt vos cour po star e leid
Da viver aint in pasch.
Cha cur l’intern quel ais sincer,
Non ’vais da dubitar,
15 ’Varat ’na duonna con pisser
Con vos bain da chasar.
’Varat ’na duonna con pisser
Chi tain il seis marid,
Sco ’l füss seis rai da cour sincer,
20 Il ama da cour fich.
Las raras bellas qualitats
As chatt’in tal muglier
Chi mütschan saimper ils puchats,
Temman lur Segner Deis.
25 Chi adura Dieu e ’l tain amà,
Podais bain s’impissar,
Cha benedida quella chà
Sarà in eternità.
Sch’avais la sort da crodar bain,
30 Non ’vais da ’s inrüglar;
Schabain cha povertà chattais,
Podais as consolar.
Ma scha l’incunter tgnais tscherchà
Richezza per star bain,
35 Non farai quai, eu sun scontrà;
Eu ’s di a vus per bain.
Perche scha’ vessast quella sort
Dad esser mal crodats,
Non chatterat ingün confort
40 Co be da suspürar.
La duonna, chi non ha amur,
Nemain temma da Dieu,
Condüa l’hom in disonur
E perda il fat sieu.
45 Quella culs ölgs da basilist
Fa finta da ’s bütschar;
Davo la rain con seis stilet
Procura da ’s mazzar.
Avant la glieud fane parair
50 Dad esser spür buntà;
Angels in plaz, satans in chà,
Quai ’s di eu in vardà!
Ingün vesprer non ais a pêr
Con tuot il seis velin,
55 La duonna nosch’ais amo pêr,
La tizcha da contin.
Non di daplü, vus saveis megl
Que ch’eu völg dir acqui.
Perchüra, Segner, tuots fidels
60 E da ’ls meldras ventüras.
77.
(Annalas XIV, Vital, p. 268 — 70.)
Mieu tesori in quaist muond
Craja cha tü est bain zuond;
Cha eau tieu dvainta pür
Craja tü tschert e sgür.
5 Mieu cour sainta dolur,
Scha ’t vain fat mandonur,
Da ’t servir ed undrer
Vögl saimper giavüscher.
Fadia nun vögl spargner
10 Suvenz te da guarder;
Craja pür sgüramaing
Ch ’eau t’ama sinceramaing.
Il temp ais lung per me,
Sch ’eau sun dalöntsch da te;
15 Possa gnir apendieu
Quel chi sbütta il cour tieu.
Il malam possa purter
Chi vain te a sbütter;
Chi vain te a spuser
20 Lod vain a congüster.
Dad esser paissast zuond
La pü schletta nel muond;
Disonur sco tuot so
Tü mê nun hest amo.
25 Da cour eau giavüsch te,
Cha tü t’algordast d’ me;
Cha tü bandunast me,
Que nun spet da te.
Tü nun est in vardet
30 Implida cun fosdet
Tschert nun t’imaginer,
Cha eau vegn a’ t smancher.
Cour tü vainst avaunt me,
Mieu cour s’allegra d’ fè,
35 Nun he dalet in me
Da trer davent da te.
Da’ m liberer da te
Main’alla fossa me;
Cha tieu inimih sarò
40 Cussglier üngün nun po.
Scha eau stun lönch tiers te,
Mieu cour s’allegr’in me;
Quel chi vain a’ t spuser
Vain lod a congüster.
45 Chi vain te a spuser,
Saimper undrer,
Blasmo saimper sarò
Quel chi te spuserò.
Dalla virtüd ün flüm
50 Hest tü in tieu costüm;
Tschercho hest cun vigur
Onested ed onur.
Cha tü bandunast me,
Que nun spet eau da te;
55 Eau rouv te our ed our,
Cha tü ’m dettast tieu cour.